ინფორმაცია სამეცნიერო-პრაქტიკული, რეცენზირებადი ჟურნალის „გურამ ტატიშვილის საქართველოს ქირურგიის მაცნეს“ ავტორებისათვის

ჟურნალ „გურამ ტატიშვილის საქართველოს ქირურგიის მაცნეში“ სტატიის წარმოდგენის წესები:

1. სტატია წარმოდგენილი უნდა იყოს ნაბეჭდი სახით, ორ ეგზემპლარად, ქართულ (ინგლისურ) ენაზე და აიტვირთოს ჟურნალის ვებ გვერდზე www.surgery.edu.ge, სპეციალური ფორმით, იხილეთ „სტატიის ატვირთვა“.
2. წარმოდგენილი სტატიის მოცულობა არ უნდა იყოს 7 გვერდზე ნაკლები და 20 გვერდზე მეტი ცხრილების, დიაგრამების, საილუსტრაციო მასალის, ლიტერატურის სიის და რეზიუმეების (ქართულ და ინგლისურ ენებზე) ჩათვლით.
3. ნაბეჭდი (ან ელექტრონული) ვერსია წარმოდგენილი უნდა იყოს სტანდარტული ფურცლის (A4) ერთ გვერდზე, 2,5 სმ სიგანის მარცხენა, 2-2სმ ზედა და ქვედა და 1,5სმ მარჯვენა ველების დაცვით. სტრიქონებს შორის ინტერვალი 1,5.
4. სტატია უნდა მომზადდეს MS Word-ში, გამოყენებული უნდა იყოს Sylfaen უნიკოდ შრიფტი, როგორც ქართული ძირითადი ტექსტი, ისე ქართული და ინგლისური რეზიუმე. შრიფტის ზომა უნდა იყოს 11.
5. კვლევითი ხასიათის სტატია უნდა მოიცავდეს შემდეგ პუნქტებს: საკითხის აქტუალობა, კვლევის მიზანი, საკვლევი მასალა და გამოყენებული მეთოდები, მიღებული შედეგები და მათი განსჯა.
6. შემთხვევის აღწერისას: საკითხის ზოგადი მიმოხილვა, საკუთრივ შემთხვევის აღწერა, განსჯა და დასკვნები.
7. ექსპერიმენტული კვლევების შედეგების წარმოდგენისას, აუცილებელია, მიეთითოს და აღიწეროს საექსპერიმენტო ცხოველების სახეობა და რაოდენობა, გაუტკივარების ტიპი.
8. სტატიის წარმოდგენა შესაძლებელია ორ ენაზე ქართული და/ან ინგლისური. ქართულენოვან სტატიას უნდა ახლდეს რეზიუმე ქართულ და ინგლისურ ენებზე. ინგლისურენოვან სტატიას – მხოლოდ ინგლისურ ენაზე. რეზიუმეს მოცულობა უნდა იყოს არანაკლებ 130 და არაუმეტეს 250 სიტყვა.
9. აუცილებელია, რეზიუმეს (ორივე ენაზე) ახლდეს: სათაური, ავტორების გვარები, სახელები, წარმომდგენი დაწესებულების ან ავტორთა სამუშაო დაწესებულებების მითითებით (რამდენიმე ავტორის შემთხვევაში საჭიროა მინიშნება ციფრით). ასევე, პასუხისმგებელი ავტორის სახელი და გვარი, ელექტრონული ფოსტის მისამართი.
10. რეზიუმე უნდა მოიცავდეს შემდეგ პუნქტებს (რომლებიც გამოყოფილი იქნება ტექსტში): მიზანი, მასალა და მეთოდები, შედეგები და დასკვნები;
11. სტატიას უნდა ახლდეს საკვანძო სიტყვები ორივე ენაზე.
12. სტატიის ილუსტრირების წესები:
    • ცხრილები წარმოდგენილი უნდა იყოს ნაბეჭდი და ელექტრონული სახით (და არა რომელიმე გამოსახულების ფორმატით – მაგ., jpg, tiff, pdf). ცხრილი აწყობილი უნდა იყოს MS Word-ის ან MS Excell-ის ფორმატში, შეიძლება ჩართული იყოს ტექსტში ან წარმოდგენილი იყოს ცალკე ფაილის სახით, ამ შემთხვევაში ფაილს უნდა ერქვას სახელი: ცხრილი №; ყველა ციფრული, შემაჯამებელი და პროცენტული მონაცემი უნდა შეესაბამებოდეს ტექსტში მოყვანილს.
    • დიაგრამები უნდა იყოს დასათაურებული, დანომრილი და ტექსტში შესაბამის ადგილზე მითითებული. დიაგრამები შეიძლება წარმოდგენილი იყოს როგორც MS Word-ის ან MS Excell-ის ფორმატში, ისე jpg, tiff, pdf ფორმატებში. დიაგრამების წარწერები შესრულებული უნდა იყოს სტატიის ენაზე.
    • ფოტოსურათები, სურათები, ნახაზები უნდა იყოს წარმოდგენილი კონტრასტული ფაილის სახით, jpg, tiff, pdf ფორმატში, დასათაურებული, დანომრილი და ტექსტში შესაბამის ადგილზე მითითებული. ამოხსნის ხარისხი არანაკლებ 200dpi.
    • რენტგენოგრამების ფოტოასლები წარმოადგინეთ პოზიტიური გამოსახულებით jpg, tiff, pdf ფორმატში, დასათაურებული, დანომრილი და ტექსტში შესაბამის ადგილზე მითითებული. გამოსახულების ხარისხი არანაკლებ 200dpi.
    • მიკროფოტოსურათების წარწერებში საჭიროა მიუთითოთ ოკულარის ან ობიექტივის საშუალებით გადიდების ხარისხი, ანათლების შეღებვის ან იმპრეგნაციის მეთოდი და აღნიშნოთ სურათის ზედა და ქვედა ნაწილები.
13. ავტორები წარმოდგენილი უნდა იყვნენ ქართულ ენაზე – გვარი და სახელი სრულად, ინგლისურ ენაზე – გვარი და სახელი სრულად, გამართული უცხოური ტრანსკრიპციით.
14. სტატიას თან უნდა ახლდეს ავტორის მიერ გამოყენებული სამამულო და უცხოური შრომების ბიბლიოგრაფიული სია (ბოლო 5-8 წლის სიღრმით).
    • ბიბლიოგრაფიული სია დალაგებული უნდა იყოს ანბანური წყობით;
    • ყველა წყარო უნდა მიეთითოს ინგლისურ ენაზე. თუ წყარო ქართულენოვანია (ან რუსული, ან სხვა ენა) ბოლოში ეთითება ორიგინალი ენა – (in Geo., in Rus.)
    • წყაროში მიეთითება ავტორები (გვარი, ინიციალები, წელი ფრჩხილებში, სტატიის სათაური, ჟურნალის დასახელება, ჟურნალის №, წელი, პირველი და ბოლო გვერდები, DOI). მაგალითი:
    • Zimlitski, M., Zimlitski, G., Bregadze, G., & Loria, G. (2020). PRIMARY LEIOMYOSARCOMA OF THE BONE (CASE REPORT). Guram Tatishvili Bulletin of Georgia Surgery, 8 2020, Pages 61–65. https://doi.org/10.48412/GTBGS.2020.08.61-65
    • თუ სტატია ქართულენოვანია (ან სხვა): Zimlitski, M., Zimlitski, G., Bregadze, G., & Loria, G. (2020). PRIMARY LEIOMYOSARCOMA OF THE BONE (CASE REPORT). Guram Tatishvili Bulletin of Georgia Surgery, 8 2020, Pages 61–65. https://doi.org/10.48412/GTBGS.2020.08.61-65 (In GEO).
    • მონოგრაფიის შემთხვევაში მიუთითეთ გამოცემის წელი, ადგილი და გვერდების საერთო რაოდენობა, ასევე ინგლისურ ენაზე.
    • ტექსტში, კვადრატულ ფრჩხილებში, უნდა მიეთითოს ავტორის შესაბამისი №, ლიტერატურის სიის მიხედვით.
15. რედაქცია იტოვებს უფლებას, რეცენზენტების რეკომენდაციების შესაბამისად, შეასწოროს სტატია. ტექსტზე მუშაობა და შეჯერება ხდება საავტორო ორიგინალის მიხედვით. საბოლოო ვერსია მიეწოდება ავტორ(ებ)ს დასადასტურებლად.
16. დაუშვებელია რედაქციაში ისეთი სტატიის წარდგენა, რომელიც გამოქვეყნებული იყო სხვა გამოცემებში.
17. აღნიშნული წესების დარღვევის შემთხვევაში სტატიები არ განიხილება.

„გურამ ტატიშვილის საქართველოს ქირურგიის მაცნეს“ რედაქცია