რედაქტორის წინასიტყვაობა
მოგესალმებით ღრმადპატივცემულო კოლეგებო, ძვირფასო მკითხველო. მაქვს პატივი წარმოგიდგინოთ „გურამ ტატიშვილის საქართველოს ქირურგიის მაცნეს“ მეათე ნომერი.
თითოეული თქვენგანი ყურადღებით ადევნებს თვალს ჩვენი ჟურნალის აქტივობას და თვალსაჩინოა, რომ გარკვეული კრიზისული ეტაპის შემდეგ, განსაკუთრებით კოვიდპანდემიის პერიოდში, ჟურნალმა და ავტორებმა დაიწყეს საკმაოდ აქტიური მუშაობა. წარმოდგენილი ნომერი, რაშიც თავად დარწმუნდებით, საკმაოდ მდიდარია საინტერესო და მართლაც ღირებული ნაშრომებით. ასევე ვფიქრობ, რომ მნიშვნელოვანია მიმართულებების მრავალფეროვნება. ნომერში წარმოდგენილია როგორც ცალკეული მეტად საინტერესო კლინიკური შემთხვევების აღწერა და განსჯა, ასევე იხილავთ ექსპერიმენტულ კვლევას, ახალი მეთოდების გამოყენების და დანერგვის გამოცდილებას.
აღსანიშნავია, რომ 2022 წელს 70 წელი შეუსრულდა ორ გამორჩეულ ქართველ ქირურგს: რუსეთის ფედერაციაში მოღვაწე პროფესორ გურამ ახალაძეს და გრ. მუხაძის საქართველოს ქირურგთა ასოციაციის გამგეობის წევრს, პროფესორ ბორის ჩაკვეტაძეს. გრ. მუხაძის საქართველოს ქირურგთა ასოციაცია და სამეცნიერო-პრაქტიკული ჟურნალის „გურამ ტატიშვილის საქართველოს ქირურგიის მაცნეს“ რედაქცია ულოცავს საქართველოს სასიქადულო შვილებს, ბატონ გურამს და ბატონ ბორისს, 70 წლის იუბილეს, უსურვებს მათ ჯანმრთელობას, დიდხანს სიცოცხლეს, ხანგრძლივ და ნაყოფიერ პროფესიულ აქტივობას ადამიანების ჯანმრთელობის სადარაჯოზე.
გისურვებთ წარმატებებს და ჯანმრთელობას!
პატივისცემით,
„გურამ ტატიშვილის საქართველოს ქირურგიის მაცნეს“
მთავარი რედაქტორი დავით ჯიქია
სარჩევი
იუბილე — პროფესორი გურამ ახალაძე
TRAUMATIC RUPTURE OF DUODENUM (CASE REPORT)
ფილტვის განგრენა – რესპირატორული ტრაქტის მძიმე პოსტკოვიდური გართულება (კლინიკური შემთხვევა)
THE FIRST EXPERIENCE OF TAR HERNIOPLASTY FOR VENTRAL HERNIA
TWENTY–FIVE YEARS AFTER LILO RADIOLOGICAL ACCIDENT: OVERVIEW AND FOLLOW-UP (1997-2022)
ჰეპატოცეულულარული კარცინომის დიაგნოსტიკის თანამედროვე რადიოლოგიური მეთოდები
იუბილე — პროფესორი ბორის ჩაკვეტაძე
ქირურგის როლი ქირურგიაში — ქირურგის ხელები
ღვიძლის დიდი და გიგანტური ექინოკოკური კისტის მკურნალობის შესახებ
მოგონება — ეკატერინე ამირბეგოვა